Ոռոգման համակարգեր
  • նախագծում
  • մոնտաժում
  • սպասարկում

Առողջ և խնամված այգու առաջնային և կարևորագույն նախապայմանը գրագետ նախագծված և մոնտաժված ոռոգման ցանցն է: Բույսերի և սիզամարգի առողջության և երկարակեցության համար կարևոր է ջրի հավասարաչափ և նպատակային բաշխումը, խորքային ոռոգումը, ոռոգման ժամանակացույցը: Այս ամենը և ավելին հնարավոր է նախատեսել ավտոմատացված ոռոգման ցանցի միջոցով միայն:
Քաջ գիտակցելով ոռոգման կարևորությունը այգու համար՝ մենք յուրաքանչյուր նախագծի մոտենում ենք մեծ բծախնդրությամբ: Աշխատանքները կատարվում են երեք փուլով՝ տարածքի չափագրում, նախագծային աշխատանքներ, մոնտաժում:

Առաջին փուլում նախագծողները այցելում են տարածք, ծանոթանում տվյալ տարածքի
առանձնահատկություններին, ոռոգվող բույսերին, պատվիրատուի նախասիրություններին,
չափագրում են տարածքը: Նախագծային փուլում նախագծողը աշխատում է բուսաբանի
հետ զուգահեռ, որն էլ հենց կախված ոռոգվող բույսերի տեսակներից ,տալիս է
տվյալ բուսատեսակի համար ցանկալի ոռոգման պահանջները:

 

Եթե պատվերը իրենից ներկայացնում է միասնական փաթեթ,
աշխատանքներում մասնագետներին միանում է նաև լանդշաֆտային
դիզայները, որը ապահովում է այգու ճիշտ զոնայավորումը, տալիս է այգու
ճարտարապետական լուծումները: Երեք մասնագետների միաժամանակյա
աշխատանքն է, որ արդյունքում բերում է գրագետ կառուցված, առողջ այգու:

Ոռոգման համակարգի բաղադրամասերը Հայաստան են ներկրվում անմիջապես գործարաններից հենց <<Լանդշաֆտ>> Սպը-ի կողմից, ինչը թույլ է տալիս մեզ ապահովել առաջնակարգ որակ և շուկայական ամենացածր գները Հայաստանում, ինչպես նաև վստահ տալ երաշխիքներ: Հենց սա է պատճառը, որ ոլորտի անհատ մոնտաժողները տարիներ շարունակ համագործակցում են <<Լանդշաֆտ>> վաճառասրահի հետ՝  գնելով այնտեղից ոռոգման համակարգի բաղադրամասեր:

 

<<Լանդշաֆտ>> -ն հանդիսանում է ոլորտի առաջատար արտադրող, լեգենդար “Rain bird” ապրանքանիշի միակ և պաշտոնական ներկայացուցիչը Հայաստանում ,ինչպես նաև պաշտոնապես ներկայացնում է ոլորտում հայտնի շուրջ վեց այլ արտադրողների,այդ թվում՝ “Weathermatic”, “SAB”, “Palaplast” և այլն:

Մենք նախագծում և մոնտաժում ենք թե՛ տնամերձ, և թե՛ հասարակական ու գյուղնշանակության տարածքների ոռոգման ցանցեր: Ապահովում ենք համակարգերի մեկ տարվա երաշխիքային, ինչպես նաև հետերաշխիքային սպասարկում, ամենամյա ջրահեռացում ձմռանը և համակարգի վերածրագրավորում գարնանը:

 

Երկրում իրականացվող գրեթե բոլոր խոշոր նախագծերում կազմակերպությունը ունի իր պարտադիր մասնակթությունը, լինի դա նախագծային, ինֆորմացիոն, ապրանքատեսականու տրամադրում, թե ցանցի մոնտաժում:

Հպարտ ենք, որ կաթիլային ոռոգման համակարգերի ոլորտում մեր տրամադրած նախագծերով, ապրանքատեսականիով և աշխատանքով կարողանում ենք աջակցել Հայաստանում գյուղատնտեսության զարգացմանը: Այս ոլորտում ժամանակին սերտորեն համագործակցել ենք “Հազարամյակի մարտահրավեր” – Հայաստան ծրագրի հետ թե՛ ինֆորմացիոն, թե՛ ապրանքատեսականու մատակարարման, և թե՛ համակարգի մոնտաժման գործում և շարունակաբար համագործակցում ենք “Վորլդ Վիժն” – Հայաստան , ՕՔՍՖԱՄ կազմակերպությունների, “Հայաստան” համահայկական հիմնադրամի, ինչպես նաև բազում հողամշակ գյուղացիների և ջերմոցատերերի հետ:

  • rain
  • wm
  • land
  • irritec
  • sab
  • palaplast